வலைத்தள வாழ்க்கைகள்…
நமக்காய் வாழ்ந்து,
நாலுபேருக்கு நன்மைகள் செய்து
கூடி வாழ்ந்திருந்தோம் - அன்று
நானூறு பேர் பார்ப்பதற்காய் மட்டும்
நடிக்கும் வாழ்க்கை இன்று…
சமூகத்தை இணைப்பதற்காய்
உருவான வலைத்தளங்களை
சொந்த வாழ்க்கைக்கே
உலை வைக்க அனுமதித்ததார் தவறு?
இணைய வாழ்க்கைக்கைச் சொப்பனங்களுக்காய்
இணையைத் துறந்தவர்களை என்ன சொல்ல?…
வாழ்த்துக்கள் கூட…
வலைப்பின்னல்களுக்குள் மட்டுப்பட்ட
காலமிது…- அருகிருக்கும்
உறவுகள் நண்பர்களை விட
முகநூல் நட்புகளே
முக்கியமானவர்கள்…
சமூக அக்கறைக் கொக்கரிப்புக்கள்…
எண்ணங்களை புல்லரிக்க வைக்கும்…
இதுவல்லோ புதுமைச் சமூகம் - என
புருவங்கள் தூக்க வைக்கும்…
வழிகள் திறக்கும்
வலிமைகள் இல்லாத - வெறும்
வாய்ச்சவாடல்களால்
பயன் என்ன விளையும்..?
நிஜமான சமூக மாற்றங்கள் வேண்டி
இணைந்து செயற்படுவோம் -
இணையங்கள் தாண்டியும்…!
நெம்பு
நிமிர்வு வைகாசி 2018 இதழ்
Post a Comment