நிமிர்வுகள் - 17 தலைவருகுது!

அப்புக்காத்தர்: இனி என்ன கொஞ்சக் காலத்துக்கு ஒரே பம்பல் தான்…

அன்னம்மாக்கா: என்ன..? ஏன் அப்பிடிச் சொல்லுறியள் ?

அப்புக்காத்தர்: எத்தினை கூட்டுச் சேர்ந்து, எத்தினை ‘தலை’ வரப்போகுது எண்டு தினமும் வேடிக்கை பார்க்கலாம்…

அன்னம்மாக்கா: ஓ.. ஓழுங்காய் ஒரு தலை வருமோ..?

அப்புக்காத்தர்: தலைமை சரியில்லை எண்டு ஆளாளுக்குச் சொல்லிக்கொண்டு இருக்கினம்…

அன்னம்மாக்கா: அப்ப எங்கையிருந்து ஓழுங்காய் ஒண்டு வாறது..?

அப்புக்காத்தர்: வானத்திலை இருந்து தான் வந்து குதிக்கவேணும்...!

அன்னம்மாக்கா: ஏன் இஞ்ச ஒருத்தருமே இல்லையோ…?

அப்புக்காத்தர்: கடவுள் இஞ்ச தலைவர்கள் பிறக்கிறதைத் தடை செய்திட்டார் போல..

அன்னம்மாக்கா: கடவுள் ஒண்டும் தடை செய்யேல்லை… நாங்கள் தான் தடுத்துக் கொண்டே இருக்கிறம்..

அப்புக்காத்தர்: என்ன சொல்லுறியள், விளங்கேல்லை…

அன்னம்மாக்கா: தலைவர்களாய் யாரும் பிறக்கிறேல்லை… உருவாகிறார்கள்.. உருவாக்கப்படுகிறார்கள்..

அப்புக்காத்தர்: ஓமோம்.. அதுவும் சரிதான்...

அன்னம்மாக்கா: ஆனால் நாங்கள் தான் அப்பவில இருந்து இப்பவரை ஒருத்தரையும் வளர விடமாட்டோமே..

அப்புக்காத்தர்: அது தலைப்பாவைத் தக்கவைக்கிற தந்திரங்கள் பாருங்கோ..

அன்னம்மாக்கா: தலைப்பா ஒரு தலையில எவ்வளவு நாள் இருக்கெண்டிறதைவிட, அந்தத் தலைப்பா எவ்வளவு உருப்படியான தலைமைகளை உருவாக்கிச்சு எண்டிறது தான் முக்கியம் கண்டியளே..

நெம்பு
நிமிர்வு 2018 ஒக்டோபர் இதழ்
----------+------------------+------------------+-------------------------